أن قفيت با ألقى سواك!

625

 كلمات/ علي منصور أحمد
ما بيّنت لي صورتك .. وجهك ما عرف من قفاك
ولا أعطيتني هاتفك .. ولا شميت حتى شــــــذاك

قل لي كيف با صّدقك .. ما لك اسم لحد دعـــــاك
محتارين في سالفك .. تعبنــا كل ليلــــــــة وراك

بكيفك أن تبى جيتني
قدني منتظر لك وباك

ولا با موت أن سبتني
وأن قفيت با ألقى سواك

****
صارحتك وعاديتني .. حتى اليوم اطلب رجـاك
وما يوم ناديتني .. إلا واستجبنــــــــــــا نــداك

عزيتك وذليتني .. قلبي كم تعب في هــــــــواك
أنت اللي استفزيتني .. وأنا ما كـان ودي آذاك

بكيفك أن تبى جيتني
قدني منتظر لك وباك

ولا با موت أن سبتني
وأن قفيت با ألقى سواك

****
شف المال ما همني .. ولا همني وش معـــاك
وأدري أن يدك خلي ..لا قطرة معك في وعـاك

كمن يوم سهنتني .. ولا مرة طعمنـــا شقــــاك
بوعدك ما تفي يا هلي .. ولا مرة سعدنا لقـاك

بكيفك أن تبى جيتني
قدني منتظر لك وباك

ولا با موت أن سبتني
وأن قفيت با ألقى سواك

****

يا ما بحت وأسمعتني .. لمّا كنت بأحلى صبـاك
ولا يــوم قدرتني .. ما راعيت لي هو رعـــــاك

كم با ظل مهموم بك .. وأنا ما حس إلا جفـــاك
بكيفك مثلما يعجبك .. أنا ما ودي إلا رضـــــاك

بكيفك أن تبى جيتني
قدني منتظر لك وباك

ولا با موت أن سبتني
وأن قفيت با ألقى سواك

****

كورنيش عدن